مسجدایسی جگہ جہاں مسلمان اللہ تعالٰی کی عبادت کرتے ہیں اور احکامات خداوندی کا فریضہ ادا کیا جاتا ہے مسجد مسلمانوں کیلئے مذہبی مرکز کی حیثیت بھی رکھتی ہے مسجد کا لغوی معنی سجدہ گاہ کے ہیں مسلمان اس میں پانچ وقت سر بسجود ہو کر اللہ کے حضور اپنی عاجزی اور انکساری کی گواہی پیش کرتا ہے سب سے پہلی مسجد جوکہ تعمیر کی گئی وہ خانہ کعبہ ہے۔ارشاد باری تعالٰی ہے ’’اور یہ کہ مسجدیں اللہ کیلئے ہیں‘‘ ۔
الغرض مسجد ایک عبادت گاہ ہوتی ہے نہ کہ صرف دیکھنے اور نمودو نمائش کیلئے ۔آج کے دور میں ہم مسجد کا اصل مقصد بھول چکے ہیں انکو خوب صورت بناکر صرف تفریح گاہ کا درجہ دے دیتے ہیں انہیں کچھ عرصے بعد ویران چھوڑدیا جاتا ہے اذان ہورہی ہوتی ہے ہم مسجد جانے کی بجائے بازاروں کا رخ کرتے ہیں حالانکہ مسجداسلامی معاشرے میں اخوت و مساوات کا درس دیتی ہے مسجد اسلامی ثقافت کا مظہر ہے۔حدیث میں آتا ہے ’’اللہ کے نزدیک محبوب ترین جگہ مسجد اور مبغوض جگہ بازار ہے‘‘
۔
تمام مندرجہ بالا گفتگو کا مقصد یہ ہے کہ ہم مسجد بنانے کا مقصد جاننے کے باوجود ایسی کوتاہی کیوں کرتے ہیں کہ بجائے ثواب کمانے کے الٹا گناہ گار ہو جاتے ہیں ہمیں چاہیے کہ ہم اس میں پانچ مرتبہ نماز پڑھیں اور قرآن پاک کی تلاوت کریں اپنے پیچیدہ مسائل مسجد میں بیٹھ کرحل کریں بجائے نہ کہ صرف اس کی خوب صورتی کی تعریف کرتے رہیں۔
