الاقتصاد المصرى فى انتعاش
مين اللى قال فى ازمه اقتصاديه
اكيد دى اشاعه من تباع على عربيه
ماهوكل حاجه موجود منها بدل الواحد ميه
لو سالت عن اعيش يقلك فى السبتيه
ولو سالت عن الميه يقلك صافيه ونقيه
ولو سالت عن المرتبات يقلك الموظفين متهنيه
ولو سالت عن سكر وزيت ورز يقلك كل ده فى البطاقه التمونيه
ولو سالت عن الخضار يقلك ربنا يخلى المواد الكيماويه
ولو سالت عن العلاج يقلك فى المستشفيات الحكوميه
ولو سالت عن فلوسك يقلك راحت سويسرا وجايه
ولو سالت عن اناس اللى بتموت كل يوم يقلك دول 1
ولو سالت عن اطفال الشوارع يقلك هنلمهم ونعملهم افنديه
ولو سالت عن القطاع العام يقلك خصخصناه علشان المديونيه
ولو سالت عن قضايا الفساد يقلك دى كلها غلطات مطبعيه
ولو سالت عن قانون الطوارئ احنا عملنا علشان الحراميه
ولو سالت عن شروطه يقلك تاخد على قفاك من اى لجنه معديه
ولو سالت عن الانتخابات واللى فيها يقلك احنا بلد ديمقراطيه
ولو سالت عن التعليم يقلك ربنا يخلى الدروس الخصوصيه
ولو سالت عن الشباب يقلك عايشين والبركه فى السيجاره المحشيه
ولو سالت عن البنات يقلك هيفا وروبى مش محتاجين توصيه
ولو سالت عن بيع الاعضاء يقلك تمام حتى اسال اخر واحد لسه مشترى عين وكليه
ولو سالت عن سبب الاضراب يقلك فضا من الشباب والعيب على التربيه
ولو سالت عن اهتمامات الناس يقلك محصوره بين ماتش وفيلم ومسرحيه
ولو سالت عن حقك يقلك اصبر علينا شويه
ولو سالت الناس هتجيب منين يقلك يسافروا اى دوله اجنبيه
كل ده واحب اطمنك وااقول لكم ان الاقتصاد فى انتعاش
بس قدامه 100سنه لما يخرج من الانعاش
وعاش الاقتصاد المصرى عاش عاش عاش