والدین کا بھی کچھ ایسے ہوتے ہیں جو اپنے بچوں کی زندگی پر اچھے اثرات نہیں چھوڑتے یہ وہ والدین ہوتے ہیں جو خود تو غلط کام کرتے ہیں ساتھ میں اپنے بچوں سے بھی غلط کام کراتے ہیں مثلاً بھیک مانگنا والدین جب خود بھیک مانگتے ہیں تو وہ بجائے کہ اپنے بچوں کو پڑھائیں لکھائیں اور ایک اچھا انسان بنائیں وہ ان کو بھی بھیک مانگنے پر لگا دیتے ہیں اور پھر جب ان بچوں کو پڑھنے کا کہا جائے تو یہ کہتے ہیں کہ یہ کام ہمیں زیادہ پسند ہے ہم بس یہی کریں گے وہ یہ بات اس لیے کہتے ہیں کیونکہ ان کو چھوٹے ہوتے سے ہی یہ بات بتائی جاتی ہے کہ یہ کام ان کے لیے سب سے بیسٹ ہے اور وہ اس کے علاوہ اور کچھ نہیں کر سکتے ایسے والدین خود اپنے بچوں کا مستقبل خراب کر دیتے ہیں۔

 

 

ہم کالج جاتے تھے تو وہاں منگنے والی خواتین آتی تھیں ایک دن ہم نے ان سے پوچھا کہ وہ یہ کام کیوں کرتی ہیں چھوڑتی کیوں نہیں تو ان کا جواب تھا کہ یہ تو ہمارہ بزنس ہے ہم اس کو کیسے چھوڑ سکتے ہیں ان لوگوں نے اس اس غلط کام کو بزنس کا نام دے دیا ہے اور کہتے ہیں کہ جتنی کمائی اس بزنس میں ہے اور کسی میں نہیں۔

 

 

کچھ بچوں کے والدین کا بھی چھوتی موتی چوری کی عادت ہوتی ہے جب ان کے بچے والدین کو چوری کرتے دیکھتے ہیں تو وہ سمجھتے ہیں کہ یہ کوئی غلط کام نہیں اور وہ خود بھی یہ کام کرنے لگتے ہیں اور پھر جب والدین بھی اس کام سے منع نہیں کرتے تو یہ برائی ان کے اندر بڑھتی جاتی ہے اور وہ بڑے ہو کر اچھے انسان بننے کی بجائے برے انسان کی شکل اختیار کرتا ہے اور ایک چور کے روپ میں سامنے آتا ہے۔

جاری ہے۔