هتكلم في المقال ده عن وجهه نظر شخصيه بحته مالهاش علاقه بالصح والغلط , والي بناس بتعمله والي مش بتعمله . هي ملاحظه ممكن تكون بسيطه بس هتفرق لو اخدنا بالنا منها .
مبدايا مما لا شك فيه ان كل الناس بتكدب دا شئ متفق عليه وكمان مافيش حاجه اسمها كدبه بيضه وكدبه سوده كلهم كدب وكلهم غلط . بس انا شايفه ان في نوعين من الكدب , النوع الاول ان الانسان بيخبي حاجه من فضول الناس اللي اوقات بيكون مبالغ فيه , بمعني ان الشخص " مش عايز الناس تعرف حاجه معينه فممكن يضطر انه يكدب لكن كدبه دا مش هيأذي اللي قدامه وحتي لو اللي قدامه عرف الحقيقه مش هيزعل او هيتصدم لانها في الغالب ممكن تكون حاجات شخصيه ماتخصهوش اصلا .
اما النوع التاني من الكدب فدا هو اللي بيأذي الناس او بيسبب لهم اي ضرر ممكن زي مثلا المماطله دي نوع من الكدب اللي بيسبب ضرر للناس "يعني لوحد ليه عند التاني فلوس واستخدم المماطله بكره وبعده والاسبوع الجاي وفي الاخر الشخص يكتشف انه مش هياخد فلوسه تاني دا بيكون فيه ايزاء للشخص نتج عن كدب وعن مماطله غير مبرره . في مثلا اني هقول للناس اني هعمل حاجه معينه وممكن ناس كتير تكون تبني احلامها علي حاجه مش هتحصل لانها كانت كدب من البدايه .
عموما الكدب مالوش مبرر وفي كل الحالات غلط لكن انا شايفه ان الانسان عايز يكدب دا براحته صحيفته ويملاها زي ماهو عايز , لكن ليه تأذي الناس الي ممكن تكون احلامهم البسيطه الي حضرتك لعبت بيها كانت بتمثلهم الحياه وطبعا لما احلامهم دي في لحظه تبقا وهم هتكون صدمتهم اكبر . من الاخر مافيش مبرر للكدب ومافيش كدب الوان لكن رفقا بالشخص الي هيسمع وقبل ما تأذيه حط نفسك مكانه لانه لا هو دراكولا ولا حيطه من حجر هو انسان زيه زيك هو بشر
.
