بينى وبين كل واحد فيكوا شباك
فى ناس الشبابيك اللى بينى وبينهم مفتوحه على طول
ودول اصحابى واهلى وكل الناس اللى بيحبونى بجد
وفى ناس الشبابيك بينى وبينهم متواربه كده
او بتتفتح كل فين وفين علشان مصالح مش اكتر
وفى ناس الشبابيك بينى وبينهم مقفوله وبيتسحبوا كده
ويبصوا ما بينها علشان يشوفوا انا بعمل ايه ولا حياتى ماشيه ازاى
وفى ناس نفسهم يفتحوا معايا شبابيك جديده
زى ما انا نفسى افتح شبابيك جديده مع ناس كتير
نفسى نفتح شبابيكنا كلها للشمس
صدقونى ساعتها الدنيا كلها هتنور
الدنيا دى كلها اصلا عباره عن شبابيك