و زادت الدقات علي باب قلبها حتي كادت تخلعه
أنصتـــت
لتجد أن دقات القلب من داخــــله ..
القلب يتصارع .. يرجوها ان تخرج المفتاح التي خبأته في ظلال عقلها و تفتح له
بعد صراع كبير .. و آلام نتيجة محاولتها ردم قلبها تماماً حتي لا يزعجها خبطاته
خرج المفتاح من غياهب أفكارها ليندفع نحو قلبها يسارع بفتحه ..
لتجد فيه رســــــالة ..تمحو كل آلامها في لحظة .. وجدت فيها يد تمسك في يدها للأبد
ظهراً تسند عليه حتي الممات .. وجدت فيــــها " كلمات " ليست كالكلمات
إزاي و أنا اللي بحبك
تسأليني
مفيش بين العشاق ملامة ..
لا تلوميني
ده انا عندي ليكي كلام زي الجبال أكوام
جوايا مستنيني أتكلم و مستنيكي
تسمعيني
و بــركان الحيرة جوايا شد لجـــام .. أمره
ناره بتزيد و صبره عليكي جاب .. أخره
قولي بحبك .. سيل يطفي ناري
إرحـــميني
من غيرك وجودي مش موجود .. عدم
و خايف تخسريني أموت بحسرة و ندم
ده في وسط الزحام و الناس صوتك دليلي
مــا تناديني
و صـدقيني
من عذاب الشوق و من وحدتي
بتخطفيني
ياللي إنتي الدنيا ليا أرجوكي منك
ما تـــحرميني
و كـــتاب حياتي تحت أمرك و بين إيديكي إفتحيه
و قلــبي في صفحاته و اللي مش عاجبك منه إقطعــيه
و عيدي كتابة تاريخي بإيديكي و خططيه
فيه صورة ليكي جوة منه رسمتها بدمــوعي
و صورة ليكي بفرحة حميتها بين ضلوعي
و صورة ليكي جوة منه رسمتها اليالي بشموعي
كتاب حياتي كله عنك و إسأليه
و اليوم اللي في حياتي .. من ولادتي و لمماتي
من غـــيرك جنبي مسحته مش هتلاقيه
