""اول رساله""
هبدا برساله كانت
مكالمه من تليفون واحده ماشيه عادي جدا مع لادها وقفتها مكالمه تليفون بس
الحقيقه ماكنتشي مكالمه عاديه فالاول ملامح وشها اتغيرت وبعدها سكتت شويه
وفجاه فضلت تقول كلام كتير مش مفهوم بعده عياط وصراخ بشكل مجنون
وفجاه ناس كتير اتلمت حواليها وكل الناس بتسال والدموع باينه ف عينها
هو حصل ايه ؟؟؟؟؟؟؟
طب مالك فيكي ايه ؟؟؟؟؟؟؟؟؟
طب ممكن نساعدك ف ايه ؟؟؟؟؟؟؟؟
وهي لسه الصدمه واخداها لسه بتصرخ ومش سامعه كلام حد معاها
لسه بتصرخ وبتقول للبيت روحوني انا مش مصدقه الي هما قالوهولي
وانا عايز اشوفهم ربنا يخليكم للبيت ودوني
وروحوووووني
وخلصت الرساله
بس الناس فضلت تسال
هو ايه الي ممكن تكون سمعته ومين اصلا الي كلمته
مشيت الست وكل واحد ماليه تخمينات
بس كان واضح ان حد من اهلها مات
مشيت وسابت جوا كل حد شافها رساله
مشيت والناس واقفه بتحكي ف ميت روايه
ناس اتعاطفت معاها
وناس مشيت وماكنتشي فارقه معاها
وناس ساعدتها من غيرحتي ماتعرف اسمها
اصلها ف الاخر انسانه زينا زيها
