Hashar youn bhi utha gaya paani,
Patharon ko rula gaya paani,
Kashti e Nooh bhej de Ya Rabb!
Mairi Basti mein aa gaya paani,
Bhook is ki mita de Aey Malik,
Shehar k shehar kha gaya paani,
Hum ne ki thi zara si na-qadari,
Is pe ghusse mein aa gaya paani,
Ab main rota hoon Aasiyaanay ko,
Gar-chay waapis chala gaya paani,
Jo thay qirtaas e Arz par likhay,
Lafz saaray mita gaya paani,
Jaise Darwaish mehw e raqs koi,
Dam-ba-dam naachta gaya paani,