مشہور کمپیوٹر ساز ادارے آئی بی ایم نے انکشاف کیا ہے کہ انہوں نے ایسی مائیکرو چپ بنالی ہے جو بہت حد تک انسانی ذہن کی طرح سوچ سکتی ہے اور ایسے بہت سے کام کرنے میں معاون ثابت ہوسکتی ہے جو صرف انسانی ذہن کے ذریعے ہی دیئے جاسکتے ہیں۔ اس مائیکرو چپ میں دس لاکھ پروگرام ایبل نیورونز ہیں اور یہ دو کروڑ چھپین لاکھ کمپیوٹر پروگرامز چلانے کی صلاحیت رکھتی ہے۔
اس مائیکرو چپ کی تیاری میں ایک اعب ٹرانزسٹرز کا استعمال کیا گیا ہے جبکہ اس کے استعمال کے لئے ۷۰ ملی واٹ کی توانائی درکار ہوگی۔ اس مائیکرو چپ کو بنانے والے ادارے کا دعوی ہے کہ کمپیوٹنگ میں اس حد تک پہلی بار پہنچا گیا ہےاتنا پیچیدہ انٹگریٹڈ سرکٹ اس سے پہلے کبھی نہیں بنایا گیا۔
اس مائیکرو چپ کا بنیادی ڈیزائن ۴۰۹۶ کورز پر مشتمل ہے ہر کور میں یاداشت محفوظ رکھنے کی کمپیوٹیش کی اور مواصلات کی خصوصیت موجود ہے اس کی ٹیکنالوجی صرف کمپیوٹر پروسیسر ہی کے لئے نہیں بلکہ ڈیٹا کو سمجھنے کے بھی قابل ہے۔ جس کی مدد سے کوئی بھی کمپیوٹر کسی حد تک انسانی دماغ کی طرح سوچنے کے قابل ہوجائے گا۔
کمپنی کا کہنا ہے کے اس چپ کی آج کل کی نئی ٹیکنالوجی میں بہت اہمیت ہے۔