بعض لوگ زندگی کے سفر کو طے کرنے کے لیے کچھ ایسے راستوں کا انتخاب کرتے ہیں جن پر زندگی کے طویل سفر کو طے کرنا تو دور عارضی طور پر چند قدم چلنے کا تصور ہی دیگر لوگوں کو پریشان کردینے کے لیے کافی ہوتا ہے ایسے افراد نہ صرف اپنی زندگی کے لیے منزل کا تعین خود کرتے ہیں بلکہ اس منزل تک پہنچنے کے لیے راستووں کا انتخاب بھی خود کرنا پسند کرتے ہیں وہ زندگی کی تلخ و شریں حقیقتوں کو اپنے ہی انداز میں جاننے کی خواہش رکھتے ہیں اور زندگی کے سفر کو طے کرنے کے دوران ہونے والی غلطیوں اور کوتاہیون سے نظریں چرانے کے بجائے سبق سیکھ کر اپنی اصلاح کرتے ہیں

یہ وہ لوگ ہوتے ہیں جو کسی بھی معاشرے میں رہبر ، پہل کرنے والے ، نئے راستے بتانے والے یا پھر ایک خاص رجحان کی بنیاد ڈالنے والے کہلاتے ہیں اور اپنے تجربات سے دوسروں کو فائدہ اٹھانے کا بھرپور موقع فراہم کرتے ہیں روزمرہ زندگی میں اپنی زمہداریوں کو پورا کرنے کی خواہش اور کوشش کے دوران ہم لوکوں میں سے اکثریت اس بات کو ترجیح دیتی ہے کہ کسی کام کو سرانجام دینے کے لیے خود سے کوئی نیایا قدرے مشکل اختیار کرنے کے بجائے تجربہ کار لوگوں کے تجربات کے بارے میں تفصیلات جان کر ان کی حاصل کردہ کامیابیون پر رشک کرتے ہوئے اپنے لیے سہل راستون کا انتخاب کریں

ایسا کرنے میں کوئی خاص برائی بھی نہیں ہے کہ عملی زندگی میں ان لوگوں کے تجربات سے فائدہ اٹھایا جائے جنہوں نے انتہائی مشکل حالات میں نہایت ہمت اور ذہانت کے ساتھ نہ صرف اپنی صلاحیتوں کو تسلیم کروایا بلکہ ہر لمحہ درست فیصلے کر کے دوسروں کی نظروں میں بھی ایک نمایاں مقام بھی حاصل کیا ایسے کامیاب لوگوں کے تجربات و مشاہدہ کرکے ہم کسی بھی قسم کی صرتحال مین خود کو ہونے والی مایوسی یا غیر یقینی کیفیت سے خود نبرآزما ہوسکتے ہیں اور اپنی خواہش کے مطابق نتائج کے حصول کے لیے صحیح اور مثبت اقدامات کرسکتے ہیں

ہم میں سے ہر شخص زندگی کے سفر میں صحیح سمت اور صحیح انداز میں آگے بڑھنے کے لیے یقینا کسی تجربہ کار ، راہنمائی کرنے والے اور با اعتماد شخصیت کے حامل فرد کی ضرورت محسوس کرتا ہے اور کسی نہ کسی شخصیت کو ( رول ماڈل ) بنا کر ان کے نقش قدم پر چلنے کی کوشش کرتا ہے یا یوں کہیں کہ ان جیسا بننا چاہتا ہے تا کہ اپنی زندگی میں ان کی طرح ترقی اور شہرت کے منازل طے کرسکے۔