اجزا ۔۔۔۔۔ دودھ ڈیڑھ لیٹر

لیموں کا رس ۔۔۔۔۔۔۔۔۔ دو چائے کے چمچے

خشک دودھ ۔۔۔۔۔۔۔۔۔۔۔۔ آدھا کپ

میدہ ۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچے

سوجی ۔۔۔۔۔۔۔۔۔۔۔۔۔۔۔ دو کھانے کے چمچے

چینی ۔۔۔۔۔۔۔۔۔۔۔۔۔۔۔۔۔۔ دو کپ

الائچی پائوڈر ۔۔۔۔۔۔۔۔ ایک چائے کا چمچہ

پانی ۔۔۔۔۔۔۔۔۔۔۔۔۔۔ ایک کپ

بیکنگ پائوڈر ۔۔۔۔۔۔۔۔ آدھا چائے کا چمچ

گھی ۔۔۔۔۔۔۔۔۔۔۔۔۔۔۔۔۔۔ حسب ضرورت

ترتیب ۔۔۔۔۔۔ ایک پتیلی میں ودوھ ڈال کرتیز آنچ پر ابالیں۔ جب ابال آجائے تو آنچ دھیمی کر کے پانچ سے دس منٹ مزید پکائیں۔ اس کے بعد لیموں کا رس اس میں ڈال دیں اور چمچے سے ہلا کر مکس کریں اور فوراً چولہا بند کردیں۔ دودھ کو ڈھکن ڈھک کر ایک گھنٹے کے لئے چھوڑ دیں۔ اس کے بعد کسی باریک کپڑے سے یا ایلومینلم کی چھنی سے پٹھے ہوئے دودھ کو چھان لیں۔

سارا پانی نکل جانے کے بعد آپ کے پاس کاٹیج چیز تیار ہوگی۔ اسے ایک گھنٹے کے لئے فریج میں رکھ دیں۔ اب ایک پھیلے ہوئے برتن میں کاٹیج چیز، خشک دودھ، میدہ، سوجی، بیکنگ پائوڈر اور آدھا چائے کا چمچہ الائچی پائوڈر ڈال کر نرم سا آمیزہ گوند لیں جسے ڈو کہا جاتا ہے۔

گوندتے ہوئے اگر گھی کی ضرورت ہوتو تھوڑا گھی شامل کیا جاسکتا ہے۔ اب ایک پتیلی میں چینی ڈالیں اور اس میں پانی اور الائچی پائوڈر ڈالیں اور درمیانی آنچ پر ایک تار کا شیرہ تیار کرلیں۔

تیار کئے ہوئے ڈو کے چھوٹے چھوٹے گلاب جامن بنائیں اور گرم گھی میں درمیانی آنچ پر گولڈن بروئون ہونے تک فرائی کریں۔ اس کے بعد نکال کر شیرے میں ڈال دیں۔ مزیدار گلاب جامن تیار ہیں اور گرم گرم تیار کریں۔