لما تحس إن الوقت بيجري من جنبك..والسكينة بتسرق كل يوم حاجة منك..
لما تحس إن الحياة مراحل ..وإنت عديت كل المراحل دي...وتحس إن مفيش حاجة فضلت تعيش عشانها
فإنت قدام حاجة من إتنين..يا إما تنتحر فتريح نفسك ودماغك
أو إنك تقف وتمسك ورقة سنفرة وتسنفر بيها الصدا اللي إتكون على المعدن اللي إنت منه
وتبدأ من جديد ..هتقولي وفي يوم أرجع تاني زي ماكنت ..وتلف الدايرة من تاني..الوقت يجري والسكينة تشتغل
يبقى أنا عملت إيه هفضل أسنفر لحد ما أنا اللي بإيدي أقتل نفسي...أقولك عندك حق وأكمل كلامك
وهتفضل برضه تفتكر مع كل ألم تاخده ..المليون ألم اللي قبليه
صح..وترد عليا تقولي وبعدين إنجز وتقول في دماغك..إهري كمان
أقولك..يلا ياض يلعن أبو شكلك تسدق إنك ماتستهلش ...غور ياعم أبو شكلك
خسارة فيك النصيحة
انا تقمصت شخصية اللي بيكلموني ويقعدوا يعملولي فلاسفة العصر.
. بيحسسوني إن هما الناس الوحيدة اللي فهمت الزتونة الكونيه..مع إني كتير قوي ببقى واحد من الفلاسفة دول
أما اللي أنا كنت بكلمه ..فهو برضه بطريقة أو بأخرى شئنا أم أبينا ممكن بكون فيلسوف أكتر مننا فهم الحياة
وعافر معاها لدرجة إنه بيتغابى في الرد عشان بيدور على حاجة جديدة في كلhم اللي قدامة
فمايلاقيش جديد فيهرب منه بإدعاء الغباء