یہ بہاروں کی فضا،یہ سبزہ زاروں کی فضا
گدگداتی ہے دلوں کو ان نظاروں کی فضا
اس وطن کا زرہ زرہ پاک ہے بے باک ہے                                                                        
آنکھ کو دیتی ہے رونق رہگزاروں کی فضا                                                                        
 کتنے پر تاثیر ہیں میرے وطن کے کوہسار
من کو موہ لیتی ہے اس کے کوہساروں کی فضا
اس کے پھولوں کی مہک تازہ کرے اذہان کو                                                                      
اس کی خوشبوؤں سے مہکے چاند تاروں کی فضا                                                                      
اس کے سورج میں سدا گرمی ہے ماں کی گود کی
اس کی راتوں کا سکوں جیسے ستاروں کی فضا
اس کی ہر وادی ہے رشک وادئ خلد بریں                                                                      
اس کا ہر زرہ ہے جیسے مرغزاروں کی فضا                                                                      
 ہے دعا میرا چمن یوں ہی سدا پھولے پھلے
گلستاں کی یہ فضا یوں ہی سدا پھولے پہلے

-------------------------------------------------------------------------------------------------------------------

Subscribe me at: http://www.filmannex.com/usman-javed/
JOIN FILM ANNEX:http://www.filmannex.com/register?c=gr234234__287728__0__0