تقریر لفظ بہ لفظ ازبر نہ کریں

اچھا مقرر کبھی بھی اپنی تقریر کو لفظ بہ لفظ یاد نہیں کرتا کیونکہ ایسا کرنے سے ایک اچھی تقریر وجود میں نہیں آتی جب تک رٹا لگانے والے مقرر حضرات تقریر کے لئے سامعین کے سامنے آتے ہیں تو انہیں اپنے موضوع پر بولنے کی بجاۓ زیادہ فکر ان لفظوں کی ہوتی ہے جن کو انہوں نے رٹا لگایا ہوتا ہے وہ انسانی ذہن کے عمل کے برعکس آگے کی بجاۓ پیچھے کی طرف سوچتے ہیں ایسے مقررین کی تقاریر بےجان اور پھسپھسی سی ہوتی ہے . ایک اچھی تقریر کی تیاری کے لئے آپ اپنے موضوع پر غور کریں حتیٰ کہ آپ کے ذہن میں خیالات ابھرنے لگیں آپ کچھ نوٹ کر لیں اور اس سلسلے میں کچھ کتابیں بھی دیکھیں آپ خود سے کہیں میں فلاں فلاں بات کہوں گا . میں فلاں بات کی فلاں دلیل کی روشنی میں کہوں گا . جب آپ کے ذہن میں جامع خیالات فراہم ہو جائیں تو شروع سے آخر تک تقریر کی مشق کریں  یہ عمل خاموشی سے ہونا چاہیئے 

مقرر کی شخصیت

تقریر کے دوران آپ کی شخصیت براہ راست آپ کی معاون ثابت ہوتی ہے . اچھی تقریر میں الفاظ کی نسبت آداب کو کامیابی ملتی ہے . آداب اور خیالات سے مل کر شخصیت خوشبو بن کر نکھر آتی ہے . آپ کی شخصیت پر آپ کا لباس بھی بہترین اثرات مرتب کرتا ہے آپ بے ڈنگا لباس پہن کر اسٹیج پر آئیں گے تو سامعین لازماً آپ پر ہوٹنگ کریں گے . آپ جب بھی تقریر کے لئے آئیں تو مناسب لباس پہن رکھا ہو . شخصیت کے بارے میں دوسرا اہم نقطہ مسکراہٹ ہے ایک اچھا مقرر ہمہ وقت چہرے پر مسکراہٹ سجا کر اسٹیج کی طرف بڑھتا ہے آپ کا افسردہ چہرہ دیکھ کر سامعین ہرگز خوش نہیں ہوں گے بلکہ تقریر کے خاتمے پر خوشی کا اظہار کریں گے . آپ تقریر کے دوران اپنی حرکات و سکنات پر بھی غور کریں اور خواہ مخواہ ڈائس پر مکّے مار کر اپنے جوش و جذبے کا اظہار نہ کریں آپ کا ایسا کرنا آپ کی شخصیت کو مسخ کر دینے کے مترادف ہے

============================================================================================================ 

میرے مزید بلاگز جو کہ صحت ، اسلام ، جنرل نالج اور دنیا بھر کی معلومات سے متعلق ہیں ، ان سے استفادہ حاصل کرنے کے لیے مندرجہ ذیل لنک کا وزٹ کیجئے

http://www.filmannex.com/Zohaib_Shami/blog_post

میرے بلاگز پڑھ کر شیئر کرنے کا بہت بہت شکریہ

اگلے بلاگ تک کے لے اجازت چاہوں گا

الله حافظ

دعا کا طالب

زوہیب شامی