" و استعينوا بالصبر و الصلاة و إنها لكبيرة إلا على الخاشعين" سورة البقرة
الآية دي خلتني أفكر في حاجتين
أولا: اني استعين بالصبر و الصلاة في أي حاجة بتحصلي في حياتي .. يعني مش بس أكون بصلي عشان هو فرض ، لكن اني استعين بالصلاة في قضاء حاجاتي زي الاستخارة و الدعاء ..الخ و اني استعين بيها ضد الشيطان وشرور النفس ، أما بالنسبة للصبر فاني لازم أستعين بالصبر بدل ما اكون بصبر في المواقف عشان مضطر أو عشان الوقت بيعدي و خلاص
ثانيا: " و انها لكبيرة إلا على الخاشعين " دي بقى وجعتني بجد ، عشان فكرتني لما المنبه يرن الفجر عشان نقوم نصلي و نحس اننا مش قادرين و قايمين غصب عننا و نجري نتوضأ بسرعة و نصلي و احنى مش مركزين عشان نرجع السرير ننام، أو مثلا اما بنت بتكون برة و حاطة مونيكير و مكسلة تشيله و ناوية لما تروح تجمع الصلاوات ، او لو حد بيعمل حاجة و مشغول او بيتفرج على فيلم في السينما و لما الأذان يأذن بيحس بمشقة انه لسة وراه صلاة و مش عايز يفوت الفيلم أو يتأخر عن الحاجة اللي بيعملها.
اللهم اجعلنا من الخاشعين و نستمتع بالعبادات بدل مانحس انها مشقة
