آج سے ١٨ سال قبل مجھے میرے چچا مسجد میں داخل کروانے لے کر گے . میں بہت خوش تھا کیوں کے میں مسجد میں ناظرہ پڑھوں گا حلانکے کے مجھے اس وقت خود معلوم نہیں تھا کے ناظرہ ہوتا کیا ہے .مجھے مدرسے کے قاری صاحب کے پاس داخل کروایا گیا وہ قاری صاحب مرے پہلے استاد تھے میں نے بچپن اور لڑکپن میں قرآن انہی سے پڑھنا سیکھا ،انہوں نے ہی مجھ کو نماز سکھائی .
اکثر نماز میں سستی کی وجہ سے میں نے حضرت سے بہت مار بھی کھائی مجھے اچھی طرح یاد ہے کے میں نے پہلے دن قاری صاحب سے ا پڑھایا اور بتایا کے ا اور ہمزا کی آواز ایک ہی ہے .میں نے لگ بھگ ٦ سات سال مسجد میں قرآن کا سبق اور ترجمہ پڑھا میں نے زندگی میں ان کی طرح بزلہ سنجی والی شخصیت نہیں دیکھی بیک وقت وہ غصہ اور پیار کا کا حسین امتجاز تھے .شرک اور بدعت سے ساڑی عمر لڑتے رہے اور ہمیشہ سادگی اور رسول اکرم کی زندگی کو اپنانے کا درس دیا . بدعت کے خلاف انکا رویہ ہمیشہ سخت رہا .
جب میں مسجد میں داخل ہوا تھا تو مسجد صرف ایک کمرے اور برآمدے پر مشتمل تھی مگر استاد کی شبانہ روز محنت سے آج اس جگہ عظیم مدرسہ قائم ہے . آپ کے نے مسجد اور مدرسہ کے لیے ساری زندگی وقف کردی تھی ساری عمر بلا معاوضہ امامت اور خطابت کے فرائض سرانجام دیے .آپ کے شاگردوں میں بڑے بڑے علامہ اور مفتی بھی شامل ہیں . انسان امیر ہو یا غریب حاکم ہو یا محکوم موت سے کوئی نہیں جیت سکا . حضرت استاد جی بھی بالاخر موت سے شکست کے بعد جان آفریں کے سپرد کر دی اور چند روز پہلے ایک حادثے میں حضرت شدید زخمی ہوگۓ اور گزرے کل آپ کا انتقال ہو گیا ............. الله پاک آپکو جنّت الفردوس میں اعلی مقام نصیب فرماۓ اور قبر کو جنّت کے باغوں میں سے ایک باغ بنا دے .آمین
بچھڑا کچھ اس ادا سے کے رت ہی بدل گئی
اک شخص سارے شہر کو ویران کر گیا .
