مـــــــــــرارة

دي مرارة السيجارة ..
مرارة الشِرا
مرارة اللي بـــاع
و مرارة العَــيا
مرارة البعاد
مع مرارة اللقا ..
مرارة اللي قلبه تعب
فـــتاب
مرارة العــــــتاب ..

مرارة اللي لف و دار و متعلمش ..
فقرر يلف و يدور من تاني .. و بردو ولا إتعلمش

مـــرارة اللي ساب ..
مـــرارة الضحكة اللي من غير أسباب
ولا دي مرارة الدمعة .. اللي في عيون البــنات !!

و عجبي .. علي اللي داق المرار .. عجبه وجعله حبيب
فخاف فرحه يدق البـــاب .. ليتهم بمقاطعة الأحباب