حاول أن تبتسم في أصعب المواقف التي لاتستدعي الإبتسامة ، قد يراك البعض بارد او عندك إحساس باللامبالاة ، لكن إعلم أنك وقتها قد أثرت في غيرك.
الإبتسامة ماهي إلا حركة بسيطة لكنها تعني الكثير والإبتسامة في الدين الإسلامي مهمة جدا فهي مقامها في مقام الصدقة.
فكر في الماضي شوية وحاول تبتسم..أول موقف عملته وإنت صغير وإضربت بسببه علقة مش هتسناها..حبيبتك اللي حبيتها وهي سابتك وراحت إتجوزت..السندوتشات اللي كنت بتسرقها من أصحابك في المدرسة وتبدلها بسندوتشاتك عشان محدش يحس بحاجة..أول عرض لمسرحية بتحبها والقفشات اللي إتقالت فيها وموتكك من الضحك..إصرارك علي دخولك كلية معينة ولما دخلتها إكتشفت إنها طلعت كفته..الطماطم والبيض اللي كنت بترميهم من البلكونة علي الناس في الشارع..أول رحلة طلعتها مع إصحابك بحلوها ومرها..أول موقف تحس فيه إنك بقيت مسؤل وإنك كبرت..فشلك في مواقف كتير في حياتك ومع ذلك ضربتها جزمة وضحكت..تزويغك من الدروس ولعبك للبلايستيشن..الفلوس اللي بتقلبها من أبوك علي إنها فلوس الكتب..إصحابك اللي قالولك عمرنا ماهنتخانق وإتخانقتوا لسبب تافه وسيبتوا بعض وكرهتوا بعض..رخامتك علي الناس في المواصلات..قراية الجرنال مع اللي جمبك..متابعة كلام واحد مع صحبته في التليفون لدرجة إنك ممكن تبقي مستعد تعمل فيها مأذون وتجوزهم لبعض وممكن كمان تحل مشاكلهم لو الموقف وصل لكده.
شخبطت في الماضي وحسيت إنك مضحكتش طب بص لطفل صغير بيلعب في أي حاجة وحاول تنسخ من الضحكة والإبتسامة اللي علي وشه لوشك.
لاتنسي شكسبير عندما قال "إن تشق طريقًا بالإبتسامة خير من أن تشقه بالسيف"
الحياة موقف عابر وسيزول..إفرح دائمًا..إنسي الهموم..هتحس بفرق كبير. :)
