سقوط ڈھاکہ کے بعد  پاکستان کی افواج نے یہ سمجھ لیا تھا کے اگر ہم نے ایک بہترین انٹللیجینس نیٹ ورک نہ بنایا تو دشمن ہم کو کچا کھا جاۓ گا اسی وجہ سے آئی ایس آئی کی بنیاد ڈالی گئی .آج جتنے بھی سروے جاری ہوتے ہیں ان میں دشمن بھی آئی ایس آئی کو پہلے نمبر پر رکھنے پر مجبور ہو جاتے ہیں . وسائل کی کمی کے باوجود آئی ایس آئی کا سرفہرست ہونا جوانوں اور افسران کی شبانہ روز محنت کا نتیجہ ہے .                                                                                                                             چند روز پہلے پاکستان کے نامور صحافی اور  جیو کے پروگرام کیپیٹل ٹاک کے میزبان حامد میر پر کراچی میں قاتلانہ حملہ ہوا جس کی جتنی مذمت کی جاۓ کم ہے مگر اس حملے کا ذمہ دار جس طرح جنگ گروپ اور جیو نے آئی ایس آئی کے چیف جنرل ظہیر کو اس کا ذمہ دار ٹہرایا بغیر کسی ثبوت کے اور بنا تفتیش کے وہ یقینا یہ بات ظاہر کرتا ہے کے جیو کسی بیرونی دشمن کا آلہ کار ہے کیوں کے لگاتار آٹھ گھنٹے جس طرح آئی ایس چیف اور قومی ادارے کو بدنام کیا گیا اس کا فائدہ صرف اور صرف پاکستان کے دشمنوں کو ہوا .                                                                                                                                                                                                                        بھارت  نے ١٩٨٠ میں کہوٹہ میں قائم ریسرچ لیبارٹری پر حملہ کے لیۓ ایک مشن ترتیب دیا تھا مگر اس وقت کی ہندوستانی پرائم منسٹر اندرا گاندھی نے یہ که کر حملے کا ارادہ بدلہ تھا " پاکستان کے پاس عقاب کی سی نظر والی انٹللجینس (آئی ایس آئی ) ہے . آئی ایس آئی پاکستان کی پہلی دفاعی لائن ہے . اس وقت اکیلی آئی ایس آئی کے مقابل سی آئی اے ،ایف بی آئی .موساد ،را ،خاد ،ایم آئی سکس جیسی انٹللجینس ایجنسیاں ہیں .