اس میں جو لینس استعمال کئے جائیں گے وہ اسمارٹ فون کی اسکرین کو بہترین طریقے سے دکھانے کی صلاحیت سے لیس ہوں گے لیکن ان کی سیٹنگ تبدیل نہیں کی جاسکے گی۔ گوگل کارڈ بورڈ سے ورچوئل ریالٹی کا لطف اٹھانے کے لئے اسمارٹ فون میں ایک ایپلی کیشن انسٹال کرنا ضروری ہوگا۔ یہ ایپلی کیشن ‘‘ ایکسلرومیٹر ’’ اور ‘‘ گریسکوپک ’’ سینسر کی مدد سے فون کی حرکات ٹریک کرتی ہے۔
کیونکہ فون ‘‘ گوگل کارڈ بورڈ ’’ ہیڈ سیٹ کا حصہ ہوگا اور موبائل کا اسکرین اسے استعمال کرنے والے کی آنکھوں کے بلکل سامنے ہوگا اس لئے اسے استعمال کرنے والا صحیح معنوں میں ورچوئل ریالٹی کے ماحول سے لطف اندوز ہوسکے گا۔ اس کا مطلب یہ ہوا کہ بہت جلد ایسے موبائل مارکیٹ میں عام ہوجائیں گے جو ورچوئل ریالٹی ٹیکنالوجی کو سپورٹ کرتے ہوں۔
امید کی جارہی ہے کہ اس طرح سے اس بصری ٹیکنالوجی کے استعمال میں کہیں زیادہ تیزی سے اضافہ ہوگا۔
