اپنی روزمرہ کی زندگی میں ہم اس لفظ کا بہت استعمال کرتے ہیں . میل ملاقات ہو یا کوئی مہمان ہم اس لفظ کے استعمال کو کبھی ہاتھ سے جانے نہیں دیتے . اب جب بھی کوئی شخص اپنے بارے میں کسی دوسرے کو جب یہ بتاتا ہے کے میں کل فلا ں کے گھر مہمان تھا تو وہ دوسرے کی مہمان نوازی کو چاۓ پانی کے نام سے ہی موسوم کرتا ہے .اب کوئی برا آدمی شیخی بھگارنے کے طور پر بھی استعمال کرتا ہے                                                                                                                               اب  یہ لفظ محض اک لفظ نہیں رہا بلکے ترقی کی منازل طے کرتے ہوے باقاعدہ اک لفظ سے اک کمرشل لفظ بن چکا ہے .کسی بھی سرکاری دفتر چلے جائیں وہاں یہ کمرشل لفظ اپنی آب و تاب سے پایا جاتا ہے .اب سائل کے ذہن میں جیسے ہی یہ لفظ ڈالا جاتا ہے تو معصوم سے معصوم شخس بھی سمجھ جاتا ہے کے کہنے والے کی مجھ ناچیز سے کیا توقع ہے لہٰذا سائل اب اس لفظ کے مفہوم سے اچھی طرح آگاہ ہو چکا ہے .                                                                                                  یہ  بات کہنے میں کوئی مبالغہ آرائی نہ ہو گی کے بدعنوانی کو اب چاۓ پانی کا نام دے دیا گیا ہے .لائن مین ہو یا پلمبر یا سوئی گیس کے میٹر لگانے والے سب کے سب اس کمرشل لفظ یعنی چاۓ پانی کا تقاضا دھڑلے سے کرتے ہیں گویا اپنی اس اوپر کی کمائی کو رنگ روگن کر کے اس کو خوب صورت بنانے کی کوشش کرتے ہیں اور اس پر قطن شرمندگی محسوس نہیں کرتے .