بھنڈی
بھنڈی ایک سبزی ہے جو اکیلی یا گوشت کے ساتھ پکا کر کھائی جاتی ہے اس میں پیاز کافی مقدار میں ڈالا جاتا ہے جس سے اس میں پائے جانے والے برے اثرات کم ہوتے ہیں یہ ثقیل اور دیر ہضم ہوتی ہے اور گیس پیدا کرتی ہے قبض میں اسے کچا کھانے سے قبض دور کرتی ہے اس کو اور اس کے بیجوں کو دواؤں میں استعمال کیا جاتا ہے کھانی میں اس کا استعمال بہت مفید ہےاکثر لوگ گیس پیدا کرنت کی وجہ سے بھنڈی کا استعمال نہیں کرتے مگر انہیں یہ نہیں پتہ کہ اس میں کتنے قیمتی اجزا پائے جاتے ہیں ۔
بھنڈی میں نشاستہ۔کیلشیم۔فارسفورس۔فولاد۔میگنیشیم۔پوٹاشیم۔سوڈیم۔گندھک۔جست۔مینگنیز۔آیوڈین۔جیسے قیمتی اجزا پائے جاتے ہیں بھنڈی فولاد اور کیلشیم کا اچھا ذریعہ ہے جس سےجسم میں خون کا بننا اور ہڈیوں کی تعمیر میں کافی مدد ملتی ہے۔
بھنڈی کا پودا ہوتا ہے اکثر لوگ اے اپنے کچن کے باہر خوبصورتی کے لیے بھی لگاتے ہیں اس کے لیے زیادہ زمین درکار نہیں ہوتی اسے آپ کنستریا گملوں میں بھی لگا سکتے ہیں کلیکن اس بات کا خیال رکھیں کہ اسے دوسرے پودوں سے ذرا فاصلے پر لگائیں کیونکہ بھنڈی کے پودے پر وائرس کا جلدی حملہ ہوتا ہے۔
بھنڈی کے پودے پر جب بھنڈیاں لگیں تو انہیں زیادہ بڑی نہ ہونے دیں انہیں درمیانہ سائز کی ہی اتار لیں اور اگر دوبارہ بھنڈی لگانا چاہتی ہیں تو کچھ بھنڈیاں پودے پر ہی لگی رہنے دیں اور جب وہ اچھی طرح پک جائیں تو ان کے بیجوں کو سنبھال لیں اور دوبارہ جب استعمال کرنے ہوں کر لیں۔