ڈایوڈ فارورڈ بائس

کس ڈایوڈ کو بیٹری کے ساتھ جوڑنے کا عمل بائس کہلاتا ہے اور فارورڈ بائس ایک ڈایوڈ کی وہ حالت ہوتی ہے جس میں ایک ڈایوڈ میں سے کرنٹ گزرتا ہے اور ڈایوڈ کے ساتھ ایک لیمیٹ رزسٹر بھی لگایا جاتا ہے تاکہ دایوڈکو زیادہ کرنٹ سے پچایا جاسکے۔ بیٹری کو وی بائس کا نام دیا جاتا ہے۔

بیٹری کے منفی ٹرمینل کو پی این جنکشن کے این حصہ سے جوڑا جاتا ہے اور بیٹری کے مثبت ٹرمینل کو پی این جنکشن کے پی حصہ سے جوڑاجاتا ہے۔ یہ بائس کی پہلی ضرورت ہوتی ہے اور بائس کی دوسری ضرورت یہ ہے کہ بیٹری کے ولٹیج پوٹینشل بیریر سے زیادہ ہوں۔

جب ہم پی این جنکشن کو بیٹری سے وولٹیج دینا شروع کرتے ہیں تو بیٹری کا منفی ٹرمینل پی این جنکشن کے الیکٹرونز کو جو این جنکشن سائیڈ پر ہوتے ہیں ان کو اگے کی طرف دھکیلتے ہیں اور بیٹری کا مثبت ٹرمینل ان کو اپنی طرف کھینچتا ہے اس طرح الیکٹرنز کی وجہ سے کرنٹ گزرنا شروع ہوجاتا ہے جسے ہم الیکٹرون کرنٹ بولتے ہیں

کیوں کہ ایک جسے چارجز ایک دوسرے کو دھکیلتے ہیں اور مختلف چارجز ایک دوسرے کو اپنی طرف کھینچتے ہیں اور اسی وجہ سے  بیٹری کا مثبت ٹرمینل الیکٹرنز کو کنڈکشن بینڈ سے اپنی طرف کھینچتا ہے۔ پی ریجن میں ہولز الیکٹرونز کو ایک راستہ دیتے ہیں پی ریجن سے گزرنے کا۔

اور جب کرنٹ ہولز کی وجہ سے چلتا ہے تو اسے ہم ہولز کرنٹ بولتے ہیں۔ اور اس طرح اس میں ہولز اور الیکٹرون کرنٹ ہوتا ہے۔