عام طور پر تو آدم خوری کے قصے کہانیاں خوفناک فلموں میں ہی دیکھائے جاتے ہیں مگر آجکل میڈیا رپوٹس کے مطابق پاکستانی عوام نے اس پر عمل کرنا بھی شروع کر دیا ہے۔
چند دن پہلے میں گھر میں بیٹھا ٹی وی دیکھ رہا تھا کہ اچانک ایک خوفناک خبر کی وجہ سے میرے رونگٹے کھڑے ہوگے وہ خبر کچھ ایسی تھی کہ بکھر (پنجاب) سے مردہ لوگوں کو کھانے والے دو بھائی گرفتار ہو گئے۔
اسکے بعد ایسی خبروں کی ایک قطار ہی لگ گئی ہو جیسے اور مختلف قسم کے واقعات سامنے آنے لگے ہیں جن کا تعلق اسی قسم کی درندگی سے ہے۔ یہ لوگ انسانیت تو درکنار حیوانوں کی حد کو بھی عبور کر چکے ہیں۔
یہ سب باتیں تو اپنی جگہ ہیں لیکن سوال یہ ہے کہ ہماری حکومت کیا کر رہی ہے؟ کیا ان کے لیے کوئی قانوں نہیں ہے؟ یا پھر ہماری حکومت کو ان کی خبر ہی نہیں ہے؟ یہ سب سوالات آجکل ہر پاکستانی کے دماغ پر سوار ہیں لیکن جواب کسی کے پاس نہیں ہے۔ دعا ہے کہ اللہ پاکستان کے حالات پر رحم کرئے۔(آمین)