روزہ صرف صبح سحری سے لیکر شام تک منہ باندھے کا نام نہیں ہے بلکہ یہ ایک ایسی عبادت ہے جس میں ہمیں بہت ساری باتوں کا خیال رکھنا پڑھتا ہے۔ اکثر لوگوں کو میں نے دیکھا ہے کہ روزے کے دوران دوسرے لوگوں کو برہم دیکھا رہے ہوتے ہیں کہ ہمارا روزہ ہے ہم کو تنگ نہ کریں اور نہ ہی وہ کوئی کام کاج کرتے ہیں صرف دن بھر سو کر روزہ گزارتے ہیں۔
روزہ رکھ کر کام کاج کرنا ضروری تو نہیں ہے مگر اگر کام کاج کیا جائے تو اسکا برہم ہمیں دوسروں پر نہیں ڈالنا چاہیے۔ روزہ صرف اللہ کے لیے ہوتا ہے اور وہی ہمیں اسکا ثواب بھی دے گا۔ سب سے اہم بات جو میں نے دیکھی ہے کہ روزے کے دوران ہمیں اسکے دوسرے کوائف بھی پورے کرنے چاہیے مگر آجکل لوگوں کی زندگی میں کوئی فرق نہیں پڑتا۔
روزے کا مطلب بھوک پیاس برداشت کرنا نہیں ہے بلکہ آنکھ، کان، ہاتھ اور زبان کا بھی روزہ ہونا چاہیے۔ مطلب ہمیں آنکھ سے کسی نامحرم کو نہیں دیکھنا چاہیے، کان سے بے ہودہ باتیں اور محفل میں نہیں جانا چاہیے اور ہاتھ سے کوئی بُرا کام نہیں کرنا چاہیے مثلاً چوری، ڈکیتی وغیرہ۔ اسی طرح زبان کا بھی روزہ ہونے چاہیے، کسی کو بے ہودہ اور بُری بات نہیں کہنی چاہیے اور نہ ہی اس سے کسی کو گالی گلوچ دینی چاہیے۔